Davor Ivo Stier kërkon ndërhyrjen e Europës për armatosjen serbe

Eurodeputeti kroat Davor Ivo Stier ka deklaruar se shqetësimi nuk ka të bëjë vetëm me riarmatimin e Serbisë, por edhe me prokurimin e armëve ofensive. Në një lidhje live për Euronews Albania, ai ka përmendur raketat balistike që janë blerë nga Kina.

Sipas tij, Parlamenti Europian ka qenë kritiku më i ashpër ndaj regjimit në Beograd dhe i ka kërkuar Komisionit Europian të ndalë fondet, pasi politikat e deritanishme kanë dhënë vetëm rezultate negative. Stier ka shtuar se, sidomos pas sulmit të Banjskës, Parlamenti Europian ka qenë shumë kritik edhe sa i takon reagimeve të institucioneve të tjera, përfshirë Komisionin Evropian, dhe ka theksuar se regjimi serb nuk po ecën drejt vlerave evropiane.