Pse u dogj një eskavator në Çair dhe kush u arrestua?

SHKUP — Një eskavator u dogj në një deponi të mbeturinave sekondare në lagjen Çair të Shkupit, duke çuar në arrestimin e tre personave të dyshuar për zjarrvënie të qëllimshme.

Ngjarja u raportua më 1 korrik, rreth orës 23:20, në Stacionin Policor Çair. Sipas policisë, eskavatori u gjet i përfshirë nga flakët në një depon për grumbullimin e lëndëve të para sekondare. Menjëherë pas denoncimit, policët e SPB Shkup lokalizuan të dyshuarit, të cilët lëviznin me një BMW me targa të Resnjës.

Të arrestuarit — Xh.Xh., A.A. dhe F.Ll. — dyshohen për veprën penale "shkaktim i rrezikut të përgjithshëm" sipas nenit 288 të Kodit Penal të Maqedonisë së Veriut. Pas dokumentimit të plotë të rastit, ndaj tyre do të parashtrohet kallëzimi përkatës.

Burim: Tetova Sot
— Redaksia ZHURMA