Cilësia e ujit të pijshëm në kryeqytet plotëson kriteret ligjore
Në territorin e Shkupit uji i pijshëm është shpallur i sigurt, ndërsa të gjitha mostrat e analizuara rezultojnë në përputhje me rregulloret përkatëse.
Redaksia ZHURMA · · 1 min lexim
SHKUP — Sektori për Kontroll Sanitar ka ndërmarrë analiza për verifikimin e cilësisë së ujit, duke përfshirë 164 mostra për vlerësime fiziko-kimike dhe po aq për analiza mikrobiologjike. Procesi i kampionimit është zhvilluar përgjatë intervalit nga 24 deri më 27 gusht të këtij viti, duke mbuluar gjithsej 45 pika të ndryshme matëse në të gjithë hapësirën e kryeqytetit. Sipas të dhënavë të bëra publike nga NP “Ujësjellësi dhe Kanalizimi” – Shkup, e gjithë sasia e kontrolluar dëshmon se uji i destinuar për konsum është plotësisht i sigurt, pasi përmbush çdo standard dhe kriter ligjor. Të dhënat zyrtare konfirmojnë gjithashtu se përfundimet e dala nga testimet dëshmojnë përputhshmëri të plotë me rregulloren mbi kërkesat e sigurisë dhe cilësisë së ujit të pijshëm.
