Çfarë zbuloi prokuroria për vrasësin serik 25-vjeçar në Kumanovë?
Prokuroria e Kumanovës ka ngritur aktakuzë ndaj 25-vjeçarit që akuzohet për katër vrasje me paramendim dhe dy tentativa për motive të ulëta seksuale.
KUMANOVË — Prokuroria Themelore Publike e Kumanovës ka ngritur aktakuzë kundër 25-vjeçarit T. B. nga Nagoriçani i Vjetër. Ai akuzohet për katër vrasje me paramendim dhe dy tentativa. Sipas ekspertizave, motivet e tij ishin për të kënaqur pasionet e tij seksuale ndaj trupave të vdekur femra.
Krimi i parë ndodhi natën mes 5 dhe 6 janarit 2025 në fshatin Kleçovcë. I pandehuri hyri në shtëpinë e një gruaje të moshuar e të pafuqishme, e sulmoi fizikisht në shtrat dhe e mbyti. Viktima ndërroi jetë nga frakturat dhe lëndimet e shumta që ia bllokuan frymëmarrjen.
Vrasja e dytë u regjistrua mes 5 dhe 7 qershorit 2025 në fshatin Dragomancë, ku ai vrau një grua tjetër në mënyrë të ngjashme. Më 22 korrik 2025, në Çelopek, ai tentoi të vriste një grua, por ajo e frikësoi duke thirrur djalin e saj, duke e detyruar atë të ikte.
Në natën mes 17 dhe 18 janarit 2026, ai vrau një grua më të re në Nagoriçan të Vjetër, të cilën e dinte se jetonte vetëm. Vrasja e katërt u krye mes 5 dhe 6 shkurtit 2026 në Çelopek ndaj një tjetër viktime të moshuar e të pafuqishme.
Ngjarja e fundit ndodhi më 9 shkurt 2026 në Çelopek, ku ai u përpoq të vriste një grua, por u tremb nga zhurma dhe iku. Prokurori Ljubomir Llape deklaroi se ky është rasti i parë i një vrasësi serik në vend, me elemente të femicidit.
Burim: Almakos
— Redaksia ZHURMA
