Durrës, 950 masa administrative dhe nëntë të proceduar nga Policia Rrugore
Gjatë një jave kontrollesh, Policia Rrugore e Durrësit ka ndaluar dhjetëra shoferë dhe ka vendosur qindra gjoba për shkelje të Kodit Rrugor.
Redaksia ZHURMA · · 1 min lexim
DURRËS — Policia Rrugore e Durrësit ka ndërmarrë një aksion gjatë një javë kontrollesh në të gjitha akset urbane, interurbane dhe rurale të qarkut, duke vënë në pranga katër shtetas dhe duke proceduar në gjendje të lirë pesë të tjerë për veprën penale të drejtimit të automjeteve në mënyrë të parregullt. Si pjesë e këtyre masave, autoritetet kanë lëshuar gjithsej 950 masa administrative për shkelje të ndryshme të Kodit Rrugor.
Në shifrat e publikuara përfshihen 373 gjoba për tejkalim të normave të shpejtësisë, 18 masa për parakalime të gabuara, katër për drejtim mjeti nën ndikimin e alkoolit, 63 për mosvendosje të rripit të sigurimit dhe pesë për përdorim të celularit gjatë drejtimit të automjetit. Po ashtu, janë vendosur 87 masa për parkim ose qëndrim të gabuar dhe 400 të tjera për shkelje të ndryshme të rregullave të qarkullimit.
Kontrollet e Policisë Rrugore vijojnë me fokus parandalimin e aksidenteve dhe evidentimin e shkelësve. Autoritetet u kanë bërë thirrje drejtuesve të mjeteve të respektojnë rregullat, ndërsa qytetarët janë ftuar të denoncojnë çdo paligjshmëri në numrin pa pagesë 112.
