Pse mbetën të bllokuar pasagjerët në tragetin Durrës-Bari?
Një defekt në rampën e brendshme i mbajti automjetet dhe kamionët në anije për afro 7 orë pas mbërritjes në portin e Barit.
BARI — Pasagjerë, kamionë dhe automjete mbetën të bllokuar për afro 7 orë në tragetin e linjës Durrës-Bari për shkak të një defekti teknik. Edhe pse anija mbërriti në kohë në portin e Barit, në orën 08:00 të mëngjesit, automjetet nuk mund të shkarkoheshin pasi është prishur rampa e brendshme.
Sipas informacioneve nga Ora News, kjo situatë ka shkaktuar pakënaqësi të mëdha te udhëtarët, të cilët nuk mund të zbritnin nga trageti pa mjetet e tyre. Bllokimi i rampa s anijes i ka mbajtur të gjithë peng në bord për një kohë të gjatë pas mbërritjes.
Situata pritet të zgjasë mëtej, pasi operatorët po presin mbërritjen e një ekipi teknik nga Napoli për të zgjidhur problemin. Deri në momentin e raportimit, automjetet dhe kamionët vijonin të qëndronin të bllokuar në anije në pritje të riparimit.
Ngjarja, e raportuar gjithashtu nga Bota Sot, vë në dukje vështirësitë e udhëtarëve që mbeten peng në mjetet e transportit detar për shkak të dështimeve teknike të infrastrukturës së anijeve.
Burim: Ora News, Bota Sot
— Redaksia ZHURMA