Bërvenicë: 16.256 qytetarë votojnë në raundin e dytë për kryetar

Në dhjetë vendbanime të Komunës së Bërvenicës po zhvillohet raundi i dytë i zgjedhjeve për kryetar komune, pasi në raundin e parë të mbajtur më 18 tetor asnjëri nga gjashtë kandidatët nuk siguroi shumicën e nevojshme. Votimi nisi në orën 07:00 dhe do të zgjasë deri në orën 19:00, ndërsa në Listën Zgjedhore janë të regjistruar 16.256 votues, prej të cilëve 449 janë me punë të përkohshme jashtë vendit dhe nëntë ndodhen në burg ose paraburgim. Në raundin e parë, dalja në votime ishte 46,56 për qind me 7.565 votues, ndërsa numrin më të madh të votave e fituan kandidatët e VMRO-DPMNE-së dhe BDI-së. Këto zgjedhje po mbahen pasi në qershor ndërroi jetë ish-kryetari Jovica Ilievski, kurse detyrën e ushtruesit të detyrës e ka mbajtur Robert Millosheski. Komisioni Komunal Zgjedhor pritet të publikojë rezultatet fillestare brenda shtatë orëve pas mbylljes së vendvotimeve, ndërsa Komisioni Shtetëror i Zgjedhjeve do t'i publikojë rezultatet e bazuara në procesverbale brenda 12 orëve.