Begaj: Askush dhe asgjë nuk e njollos UÇK-në pas dënimit në Hagë
Kreu i shtetit shqiptar ka shprehur trishtim të thellë ndaj vendimit të Gjykatës Speciale për ish-krerët e Ushtrisë Çlirimtare të Kosovës.
Redaksia ZHURMA · · Përditësuar · 1 min lexim
Pas vendimit të Gjykatës Speciale në Hagë ndaj katër ish-krerëve të Ushtrisë Çlirimtare të Kosovës, ka reaguar presidenti i Shqipërisë, Bajram Begaj. Ai e ka cilësuar si trishtim të thellë aktgjykimin e dhënë ndaj Hashim Thaçit, Kadri Veselit, Rexhep Selimit dhe Jakup Krasniqit, ndërsa ka vlerësuar se vendosmëria për të apeluar dënimin përbën një tregues të fortë integriteti dhe qëndrueshmërie.
Sipas kreut të shtetit shqiptar, për mbarë kombin shqiptar nuk ka asnjë element apo individ që mund të cenojë apo njollosë vlerat e luftës çlirimtare, duke shtuar se liria ka emër.
Kujtojmë se më parë kjo platformë ka raportuar mbi pritjet e Partisë Demokratike të Kosovës rreth procesit gjyqësor dhe lirimit të mundshëm të tyre në Hagë.
