Arif Vladi dhe Shkurte Fejza performojnë në Marshin për Liri
Të shtunën, më 12 shtator, platforma “Liria ka Emër” organizon një marsh madhështor në sheshin “Skënderbeu”.
Redaksia ZHURMA · · Përditësuar · 1 min lexim
Këngëtarët e njohur të këngëve patriotike, Arif Vladi dhe Shkurte Fejza, do të marrin pjesë me performanca muzikore në manifestimin e organizuar nga platforma “Liria ka Emër”. Ky aktivitet publik është caktuar të mbahet të shtunën, më 12 shtator, duke nisur nga ora 14:00 në sheshin “Skënderbeu”, ndërsa përgatitjet drejtohen nga organizatorët Ismail Tasholli dhe Eliza Hoxha.
Ngjarja vjen pak ditë përpara datës 16 shtator, kur është paralajmëruar shpallja e aktgjykimit për ish-krerët e Ushtrisë Çlirimtare të Kosovës që po ballafaqohen me procesin gjyqësor në Hagë, duke përfshirë Hashim Thaçin, Kadri Veselin, Jakup Krasniqin dhe Rexhep Selimin. Përmes këtij organizimi, platforma synon të shprehë mbështetje për vlerat e luftës dhe figurat e saj.
