Aksident tragjik në Kroaci: Humb jetën drejtuesi nga Durrësi

Një ngjarje e rëndë ka ndodhur gjatë orëve të para të mëngjesit të 7 shtatorit në zonën e Marinës, në territorin e Kroacisë. Sipas informacioneve të publikuara, në rrugën shtetërore D8, e cila bën pjesë në Adriatic Highway, një furgon ka dalë nga rruga për shkaqe që ende nuk dihen.

Si pasojë e këtij aksidenti dhe plagëve të marra, ka ndërruar jetë drejtuesi i mjetit, i cili ishte personi i vetëm në automjet. Viktima është identifikuar si Amarildo Tafaj, 28 vjeç, me origjinë nga qyteti i Durrësit. Të afërmit dhe personat që e njihnin e kanë përshkruar atë si një djalë të përkushtuar ndaj familjes dhe me jetë të mbushur me sakrifica.