Ademi: Isha e bindur se vëllai im ishte në Kalludër

Pas një periudhe prej 27 vjetësh pritjeje dhe ankthi, motra e doktor Adem Ademit ka shprehur se kishte pasur bindjen e plotë se vëllai i saj ndodhej në lokacionin e Kalludër së Zubin Potokut, që në momentet e para kur nisën punimet dhe u zbuluan mbetjet e para mortore. Dyshimet e familjes për këtë zonë u nxitën nga të dhënat se aty ishte parë për herë të fundit një grup intelektualësh, mes të cilëve gjendej edhe ai. Ajo ka theksuar se «kur kanë filluar të gjenden mbetjet mortore aty, kam dyshuar dhe e binda veten që aty duhet me qenë vëllai».

Për një kohë të gjatë, familjarët kishin ruajtur shpresën se doktori mund të ishte i gjallë dhe duke u mbajtur i burgosur në Serbi, mirëpo këto pritshmërii u zbehën plotësisht pas kthimit të të burgosurve shqiptarë në Kosovë, pasi emri i tij nuk figuronte aty. Pas verifikimit dhe identifikimit zyrtar të mbetjeve, ajo ka theksuar se megjithëse ky zhvillim përbën një lajm të mirëpritur pas gati tri dekadash kërkimi të vazhdueshëm, mbetet tejet i dhimbshëm për të gjithë familjen. Gjatë rrëfimit të saj, ajo ka shprehur mirënjohje të veçantë për angazhimin e institucioneve vendore, duke falënderuar Policinë për Krime Lufte, Institutin e Mjekësisë Ligjore dhe Komisionin Qeveritar për Personat e Zhdukur.