Zjarri në Shkozet stakon linjën 110 kV — Durrësi mbetet pa drita

DURRËS — Një zjarr i rënë në një magazinë në Shkozet ka shkaktuar ndërprerje të energjisë elektrike në qytetin e Durrësit dhe zonat përreth pas stakimit të linjës 110 kV. OSHEE e stakoi këtë linjë furnizimi si masë sigurie pas kërkesës së zjarrfikësve në terren.

Sipas njoftimit zyrtar, avaria nisi rreth orës 15:40 në dy linjat paralele të OST-së ndërmjet Rrashbullit dhe Shkozetit. Për shkak të flakëve u konstatua edhe këputja e një përcjellësi elektrik, çka pengoi funksionimin e plotë të rrjetit dhe la pa rrymë disa nënstacione.

OST mori masa të menjëhershme për furnizimin e zonave të prekura përmes linjave alternative unazore. Aktualisht, energjia në Durrës është rikthyer pjesërisht, ndërsa ekipet e terrenit po punojnë për riparimin e përcjellësit dhe normalizimin e plotë të situatës.

Burim: ATSH
— Redaksia ZHURMA