Sa zjarre aktive mbetën nëpër Maqedoni pas gjithë kësaj fundjave?
Qendra për Menaxhim me Kriza raporton dhjetëra vatra të shtunën e të dielën — 9 të shuara, një ende aktive në Haraçinë.
SHKUP — Dhjetëra zjarre janë regjistruar nëpër Maqedoninë e Veriut gjatë kësaj fundjave, kryesisht në hapësira të hapura, deponi dhe zona me bimësi të thatë. Sipas Qendrës për Menaxhim me Kriza, 9 vatra janë shuar plotësisht gjatë fundjavës, ndërsa një zjarr mbetet aktiv në Komunën e Haraçinës.
Situata ngjashme karakterizon edhe vendet e rajonit. Në Greqi, zjarre të mëdha pyjore kanë shpërthyer në ishullin Evia — një destinacion i njohur turistik — dhe autoritetet greke kanë urdhëruar evakuimin urgjent të banorëve. Edhe Shqipëria raporton vatra zjarri, kryesisht në zonat e Lezhës dhe Tropojës, ku situata sipas autoriteteve paraqitet më e vështirë, por nën kontroll.
Forcat zjarrfikëse dhe shërbimet e emergjencës po vazhdojnë punën për shuarjen dhe monitorimin e vatrave aktive në të gjitha zonat e prekura.
Burim: Tetova Sot
— Redaksia ZHURMA
