Zbulohen tre banorët e parë të edicionit të pestë të Big Brother VIP Kosova

Edicioni i pestë i spektaklit Big Brother VIP Kosova ka nisur me surpriza për ndjekësit, pasi tre banorët e parë janë bërë pjesë e shtëpisë më të famshme. Arlinda, Nicci dhe Antoneta janë futur brenda shtëpisë pasi i janë përgjigjur pozitivisht pyetjeve provokuese të parashtruara përmes platformës WhatsApp, sipas njoftimit të moderatorit Alaudin Hamiti përmes një postimi në Instagram.

Moderatori ka paralajmëruar se gjatë spektaklit të parë do të prezantohen edhe banorë të tjerë dhe do të nisë loja e vërtetë, ndërkohë që brenda shtëpisë është futur edhe ish-finalistja e edicionit të kaluar, Elijona. Përveç saj, në hapësirat e shtëpisë kanë nisur dinamikat e para mes banorëve të rinj me diskutime dhe thumbime rreth qëndrimit në edicionin e ri.