Vdes Berat Asllani, vëllai i aktorit Agan Asllani pas një aksidenti
41-vjeçari nga Mitrovica ndërroi jetë disa ditë pas një aksidenti me motoçikletë. Lajmi u bë i ditur nga vetë aktori përmes rrjeteve sociale.
Redaksia ZHURMA · · 1 min lexim
MITROVICË — Berat Asllani ka ndërruar jetë pasi ishte përfshirë në një aksident me motoçikletë në qytetin e Mitrovicës disa ditë më parë. I ndjeri, 41-vjeçar, ishte vëllai i aktorit të njohur kosovar, Agan Asllani.
Lajmin e hidhur për vdekjen e tij e ka bërë të ditur vetë aktori përmes një njoftimi prekës në rrjetet sociale, ku ka shprehur dhimbjen e thellë për humbjen e vëllait dhe ka njoftuar rreth kësaj ngjarjeje familjarët, miqtë e dashamirët. Aktori Agan Asllani ka shkruar: «Me dhimbje të thellë dhe zemër të thyer, por me besim të plotë në caktimin e Allahut, njoftoj familjarët, miqtë dhe dashamirët se sot u nda nga jeta vëllai ynë i dashur, Berat Asllani».
Vdekja e tij ka lënë në pikëllim familjarët, miqtë dhe të gjithë personat që e kanë njohur atë. Ndërkaq, familja ka bërë të ditur se për orën dhe kohën e saktë të varrimit do të njoftojë me kohë.
