Elijona hyn në shtëpinë e Big Brother VIP Kosova 5 dhe shkëmben thumbime

Finalistja e edicionit të mëparshëm të Big Brother VIP Kosova, Elijona, është futur sërish në shtëpinë e këtij edicioni. Hyrja e saj ka bërë që banorët të ngrihen në moment, ndërkohë që diskutimet mes tyre janë shoqëruar me tensione dhe batuta të ndërsjella.

Pasi u cilësua si mysafire nga Nichi, ajo është kundërpërgjigjur duke u shprehur se është zonja e shtëpisë, duke shtuar se edhe vitin e kaluar është futur si banorja e katërt. Nga ana tjetër, Arlinda i është drejtuar me fjalët që të rrijë dhe t'i mësojë se si të dalin më shpejt, ndërsa Elijona i ka kthyer përgjigje se zakonisht i përcjell ajo banorët.