Zbardhet versioni i vëllezërve dhe ngjarja me kapitenin e Njësisë Speciale
Njëri prej vëllezërve të përfshirë në incidentin e së dielës ka dhënë rrëfimin e tij për ngjarjen, ndërsa Prokuroria ka ndërmarrë hapa ligjorë.
Një incident i regjistruar në parkingun e një qendre tregtare ka vënë në qendër të vëmendjes kapitenin e Njësive Speciale të Policisë së Kosovës, Besart Ahmetin, dhe dy vëllezër, prej tyre njëri 16-vjeçar dhe fëmijë i një polici të Kosovës. Ngjarja ka ndodhur të dielën, më 06.09.2026, pas së cilës dy të rinjtë u arrestuan dhe u dërguan në stacionin policor në Graçanicë. Adonis Aliu, njëri nga të përfshirët, ka ndarë rrëfimin e tij për rrethanat se si nisi përplasja.
Lidhur me këtë rast, institucionet e drejtësisë kanë nisur hetimet dhe procedurat e nevojshme. Prokuroria e Prishtinës ka iniciuar rast për veprën e kanosjes ndaj kapitenit Besart Ahmeti. Ndërkohë, drejtuesi i një togu të Njësisë Speciale është vënë nën masën e suspendimit, pasi ekzistojnë dyshime për përdorim të dhunës fizike ndaj njërit prej të arrestuarve gjatë zhvillimit të ngjarjes.