Xuxi flet për faljen e namazit dhe besimin brenda shtëpisë së BBVK-së

Banori i edicionit të katërt të Big Brother VIP Kosova, këngëtari Xuxi, ka diskutuar për rëndësinë e fesë dhe praktikimin e namazit gjatë qëndrimit në këtë shtëpi. Gjatë një paraqitjeje në emisionin dhe podcastin «BIG CAST», ai u pyet nga gazetarja Blinera Vitija nëse banorët mund të arrijnë deri në finale apo të fitojnë pa u lutur dhe pa u mbështetur te Zoti.

Duke qenë se në edicionin e kaluar ai ishte ndër banorët që falej rregullisht brenda shtëpisë, Xuxi theksoi se besimi dhe falja përbëjnë një pjesë të përditshmërisë së tij. Ai u shpreh se nuk i ka shkuar kurrë në mendje të lutet në namaz për të fituar lojën, pasi adhurimi nuk lidhet me synime të tilla. Lidhur me banorët e këtij edicioni, ai deklaroi se nuk e di nëse ndonjëri prej tyre është praktikues i fesë islame, duke shtuar se nuk dëshiron të hyjë në gjynah për këtë çështje.