Vdes Lisa Milicaj Bajraktari, gruaja e parë shqiptare e zgjedhur në Nju Jork
Albanian Roots i shpreh ngushëllime familjes; ajo qe Grand Marshal e Paradës Shqiptare më 2015.
Redaksia ZHURMA · · Përditësuar · 1 min lexim
NJU JORK — Organizata Albanian Roots ka shprehur ngushëllime të thella për ndarjen nga jeta të Lisa Milicaj Bajraktarit, një prej figurave më të njohura dhe më të angazhuara të komunitetit shqiptaro-amerikan. Ajo ishte zgjedhur Grand Marshal i Paradës Shqiptare në vitin 2015, pas një jete të kushtuar shërbimit ndaj komunitetit.
"Mirësia, lidershipi dhe shpirti i saj vetëmohues prekën jetën e shumë njerëzve," thuhet në reagimin e organizatës, e cila falënderoi Bajraktarin për "kontributin e jashtëzakonshëm" në forcimin dhe zhvillimin e komunitetit shqiptar, dhe i uroi familjes Bajraktari ngushëllimet më të sinqerta.
Edhe Marko Kepi e kujtoi atë si një figurë historike, duke shkruar se Bajraktari "bëri histori si gruaja e parë shqiptare e zgjedhur ndonjëherë në një detyrë publike në shtetin e Nju Jorkut" dhe se ia kushtoi veten "shërbimit ndaj komunitetit tonë dhe vendit tonë me krenari dhe integritet."
Kepi shtoi se ndikimi i saj "nuk do të harrohet kurrë" dhe u shpreh ngushëllime familjes, miqve dhe të gjithë atyre që patën fatin ta njihnin gjatë viteve të angazhimit të saj publik.
Burim: Diaspora Shqiptare
— Redaksia ZHURMA
