Endrit Brajshori shkëlqen në OKTAGON me fitore ndaj Christian Mach

Luftëtari shqiptar i arteve marciale mikse, Endrit Brajshori, ka shënuar një fitore të rëndësishme në eventin OKTAGON 96 të zhvilluar në Munih të Gjermanisë, ku u përball me gjermanin Christian Mach në kategorinë Welterweight prej 77 kilogramësh. Pasi tregoi epërsi që në rundin e parë me goditje të fuqishme, ai fitoi me nokaut teknik në minutën 4:38 pas ndërhyrjes së gjyqtarit.

Brajshori stërvitet në klubin Martial Arts Academy Rosenheim nën drejtimin e trajnerit Refiq Salihi dhe ka mbi dhjetë vjet përvojë në këtë sport. I njohur me pseudonimin “AK 47”, ai arriti triumfin e tretë radhazi në këtë organizatë pas atyre ndaj Jan Malach dhe Petr Bartonek, duke e çuar bilancin e karrierës profesionale në shtatë fitore dhe dy humbje në moshën 29-vjeçare.