Ushqimet dhe gjumi ndihmojnë në forcimin e imunitetit kundër gripit

Shumë persona përballen me gripin gjatë kësaj stine, ndërsa ruajtja kërkon kujdes të veçantë edhe pse ndonjëherë rezulton e pashmangshme. Një mënyrë jetese e shëndetshme dhe dieta luajnë rol të madh për imunitetin, ku lëndë ushqyese si seleni, zinku, hekuri dhe flavonoidet e bimëve janë thelbësore për mbrojtjen e organizmit.

Përforcimi i sistemit mbrojtës mund të arrihet përmes katër produkteve specifike që përfshijnë kosin, boronicën, erëzat dhe çajin. Krahas ushqimit të rregullt, trupi ka nevojë për gjumë të mjaftueshëm, pasi trupi dhe sistemi imunitar shërohen përmes pushimit dhe fjetjes.