Ricardo Kaka duartrokitet në San Siro gjatë derbit mes Milanit dhe Interit
Legjenda braziliane Ricardo Kaka është rikthyer në stadiumin “San Siro” për të ndjekur derbin mes Milanit dhe Interit, ku është pritur me duartrokitje nga tifozët.
Redaksia ZHURMA · · 1 min lexim
Ish-futbollisti brazilian Ricardo Kaka është rikthyer në “San Siro” për të ndjekur nga afër derbin e madh të futbollit italian ndërmjet Milanit dhe Interit, duke u dhënë shkak emocioneve të mëdha para tifozëve që e duartrokitën në këmbë gjatë kësaj përballjeje. Gjatë karrierës së tij me fanellën e Milanit, Kaka ka regjistruar 223 ndeshje zyrtare dhe ka shënuar 77 gola, duke fituar trofe të rëndësishëm si Liga e Kampionëve në vitin 2007, një titull të Serie A, Superkupën e Evropës dhe Kupën e Botës për Klube. Viti 2007 përfaqësoi kulmin e karrierës së tij, kur pas triumfit evropian me klubin kuqezi ai fitoi gjithashtu Topin e Artë dhe çmimin FIFA World Player si futbollisti më i mirë në botë. Ndërkohë, në zhvillimet e tjera nga fusha e blertë, Milani ka fituar derbin ndaj Interit, ku mes tjerash Rabiot ka realizuar golin e avantazhit për kuqezinjtë.
