Drenasi humbi mbi 10 mijë banorë brenda trembëdhjetë vjetëve

Komuna e Drenasit ka pësuar një rënie të ndjeshme të numrit të banorëve gjatë periudhës 2011–2024, duke regjistruar një humbje prej 10.452 banorësh ose 17.9 për qind të popullsisë. Këto shifra janë bërë të ditura përmes një analize të detajuar të ndryshimeve demografike, të paraqitur nga specialisti i Sistemeve të Informacionit Gjeografik, Besart Bajrami. Sipas të dhënave historike të prezantuara, komuna kishte 21.125 banorë në vitin 1961, ndërsa në vitin 2011 numëronte 58.531 banorë, për të rënë në 48.079 banorë në regjistrimin e fundit. Ndërsa qyteti i njohur nga Drenasi dhe dy zona të tjera kanë shënuar rritje, pjesa dërrmuese e vendbanimeve kanë shënuar rënie të theksuar të popullsisë, me në krye Gradicën që u zvogëlua për 61.2 për qind.