Tre persona ndalohen në Leposaviq pas hyrjes ilegale nga Serbia

Tre persona janë ndaluar nga Policia e Kosovës në fshatin Koshuticë të Leposaviqit, pasi dyshohet se kanë hyrë në territorin e Kosovës nga Serbia përmes rrugëve dytësore, jashtë pikës së vendkalimit kufitar. Të dyshuarit po udhëtonin me një veturë me targa të Serbisë.

Sipas policisë, rasti është regjistruar si kalim i paautorizuar i vendkalimeve kufitare ose i vijës kufitare. Në konsultim me prokurorin, të dyshuarit pas intervistimit janë liruar në procedurë të rregullt.