I mituri ndalohet në Leposaviq për kalim ilegal të kufirit

Një i mitur kosovar është ndaluar nga Policia në fshatin Qirkoviq të Leposaviqit, nën dyshimin se kishte kaluar kufirin nga Serbia në Kosovë përmes rrugëve ilegale. Rasti ka ndodhur gjatë një patrullimi, kur zyrtarët policorë kanë ndalur një automjet me targa të Serbisë, i cili drejtohej nga i dyshuari.

Ndaj të miturit është shqiptuar një tiketë kundërvajtjeje. Pas intervistimit, me vendim të prokurorit ai është liruar, ndërsa rasti do të vazhdojë në procedurë të rregullt hetimore.