Tre persona arrestohen për dy raste të vjedhjes së rëndë në "Trepça"

GJILAN — Hetuesit e Sektorit Rajonal të Hetimeve në Mitrovicë kanë arrestuar tre persona të dyshuar për përfshirje në dy raste të vjedhjes së rëndë në hapësirat e ndërmarrjes SHA "Trepça". Pas një pune hetimore dhe sigurimit të provave, janë realizuar bastisje në disa lokacione, ku u arrestuan të dyshuarit dhe u sekuestruan një automjet me rimorkio si dhe dëshmi të tjera materiale.

Dyshohet se të arrestuarit, në bashkëveprim, kanë kryer dy vjedhje të ndodhura disa muaj më parë në Mitrovicë. Pas intervistimit, me aktvendim të prokurorit kompetent, tre të dyshuarve u është caktuar masa e ndalimit prej 48 orësh.