Tensione dhe shoqërime te Kryeministria pas bllokimit të furgonit

TIRANË — Momente tensioni dhe përleshje fizike janë regjistruar në Tiranë përpara godinës së qeverisë, pasi protestuesit dolën përpara një furgoni të policisë duke penguar lëvizjen e tij. Efektivët e rendit ndërhynë duke i shtyrë dhe duke përdorur spraj lotsjellës e me piper, ndërsa situata solli disa arrestime dhe shoqërime në komisariat, sipas raportimeve nga terreni.

Incidenti ndodhi gjatë protestës së studentëve dhe qytetarëve, të cilët prej disa orësh po qëndrojnë në shesh për të kërkuar dorëheqjen e kryeministrit Edi Rama. Pasi protestuesit kundërshtuan veprimet e forcave të rendit dhe shkaktuan kaos para godinës, pjesa tjetër e tubimit ka vijuar të qëndrojë në shesh dhe aktualisht situata paraqitet e qetë.