Temperaturat e larta rrisin rastet e virozave
Gastroenteritet dhe infektivit janë shqetësimet që po mbizotërojnë këtë periudhë
TIRANË — Temperaturat e larta po favorizojnë shpërthimin e virozave, tipike të stinës. Gastroenteritet, apo siç njihen ndryshe, diarre dhe të vjella të shoqëruara me temperaturë të lartë, janë shqetësimet që po mbizotërojnë këtë periudhë.
Urgjenca e infektivit dhe veçanërisht ajo e pediatrisë janë më të ngarkuara se zakonisht. Mjekët pediatër flasin për rritje të rasteve, kryesisht në grupmoshën 1 deri 5 vjeç. Numri i paraqitjeve në urgjencën e pediatrisë nuk i kalon 200 pacientë në ditë.
Ngarkesa vihet re edhe në poliklinikat e lagjeve, por edhe në qendrat shëndetësore verore, ku është zhvendosur një pjesë e popullsisë për shkak të pushimeve. Mjekët pediatër u bëjnë thirrje prindërve të tregojnë kujdes të shtuar në këtë periudhë me temperatura ekstreme. Burim: Report Tv, https://report.al/temperaturat-e-larta-rrisin-rastet-e-virozave-shtohet-fluksi-ne-urgjencat-pediatrike/
— Redaksia ZHURMA