Tabaku akuzon Ramën për dy leje ndërtimi mbi të njëjtën tokë në Vlorë

VLORË — Deputetja e Partisë Demokratike, Jorida Tabaku, ka reaguar përmes një videoje në rrjetet sociale ndaj konfliktit pronësor në Vlorë. Ajo shpalli se institucionet shtetërore kanë dhënë dy leje të ndryshme — një për investim strategjik dhe një për zhvillim pronësie — për të njëjtën tokë dhe dy persona të ndryshëm. Tabaku tha se përgjegjësia nis nga hipoteka dhe shkon deri te kryeministri Edi Rama. Deputetja kritikoi vendimin për shpërnguljen dhe kthimin e zonës në ullishte si përpjekje për të evituar përgjegjësi administrative. Sipas saj, qytetarët presin vite dhe paguajne miliona lekë taksash dhe rryshfetesish, ndersa sistemi prodhon pasiguri. Tabaku kërkoi hetim administrativ dhe identifikimin e përgjegjësve, duke theksuar se nuk mund të ketë shtet ligjor pa respektuar pronësinë.