Ultimatum nga protestuesit për Ramën: Dorëheqje deri nesër në orën 13:00
Protestuesit i kanë lënë afat kryeministrit Edi Rama deri nesër në orën 13:00 për dorëheqje, duke paralajmëruar se në të kundërt do t’i drejtohen Presidencës për shpërndarjen e…
Redaksia ZHURMA · · 1 min lexim
Përmes njoftimeve në rrjetet sociale, protestuesit kanë vendosur një afat deri nesër, në orën 13:00, për kryeministrin Edi Rama që të japë dorëheqjen. Ata bëjnë me dije se protesta do të vijojë sërish ditën e enjte.
Sipas njoftimit pa autorësi, nëse Rama nuk largohet nga detyra brenda afatit të përcaktuar, protestuesit do t’i drejtohen Presidencës për të kërkuar ndërhyrjen e presidentit për shpërndarjen e Parlamentit.
Ndërkohë, gjatë zhvillimeve të ditëve të fundit në Tiranë janë shënuar tensionime, ku sipas autoriteteve janë regjistruar dhjetëra efektivë të lënduar dhe protestues të ndaluar në komisariate.
