Kush është në sitë të SPAK-ut për tjetërsimin e pronave në Zvërnec?
Prokuroria e Posaçme kundër Korrupsionit dhe Krimit të Organizuar kryen kontrolle në Tiranë dhe Vlorë për hetime mbi pronat në zonën turistike.
Redaksia ZHURMA · · Përditësuar · 1 min lexim
TIRANË — Prokuroria e Posaçme kundër Korrupsionit dhe Krimit të Organizuar (SPAK) ka urdhëruar disa kontrolle në Tiranë dhe Vlorë në kuadër të hetimeve për dyshimet mbi tjetërsimin e pronave në zonën e Zvërnecit.
Një prej personave të kontrolluar është Pëllumb Petritaj, ish-avokati që dyshohet se falsifikoi pronat për llogari të Artur Shehut. Kontrolle janë zhvilluar edhe te Redi Struga, inxhinier dhe administrator i kompanisë projektuese "InfraKonsult" SHPK.
Kompania e Strugës i ka blerë pronat nga zotërues të tjerë, duke përfshirë kompaninë "SERE" të grupit Balfin. Struga shërben përmes "Albanian Land Development" si urë lidhëse me vëllezërit miliarderë Ramez dhe Mohamad Al-Khayyat nga Katari, të cilët investojnë krah Jared Kushnerit, dhëndrit të presidentit amerikan Donald Trump.
SPAK-u dyshohet se po heton një skemë të gjerë të tjetërsimit të pronave në Zvërnec, ku bëhet fjalë për një projekt turistik.
Burim: Zëri
— Redaksia ZHURMA
