Si u gjet trupi i gruas së zhdukur nga Taori dhe kush janë të arrestuarit?

SHKUP — Në një zonë pyjore me qasje të vështirë pranë fshatit Letevc është gjetur trupi i pajetë i një gruaje nga Taori, e cila ishte raportuar e zhdukur të premten. Prokuroria Publike e Shkupit konfirmoi se vdekja ka ardhur si pasojë e dhunës, pas kryerjes së obduksionit.

Prokurori kujdestar dhe ekipet e MPB-së kanë kryer këqyrjen në vendngjarje. Në bazë të dyshimeve për kryerjen e veprës penale, është privuar nga liria ish-bashkëshorti i viktimës, ndërsa janë ndaluar edhe tre persona të tjerë — të gjithë miq të tij.

Rasti i vrasjes së një gruaje 48-vjeçare në Taor në prill të këtij viti kishte tronditur opinionin, ku dyshoheshin po të njëjtët persona. Prokuroria tani njofton se po ndërmerren veprime për zbardhjen e plotë të këtij rasti të ri.

Viktima, e cila nuk është identifikuar publikisht, ishte raportuar e zhdukur vetëm disa ditë më parë. Zona ku u gjet trupi i saj është e izoluar, duke e bërë hetimet më të vështira.

Burim: TV21
— Redaksia ZHURMA