Si do të shënohet ditëlindja e heroit Hakif Zejnullahu në Lladoc?
Një koncert përkujtimor me emra të njohur të muzikës do të organizohet në Kompleksin Memorial 'Baza e Parë e UÇK-së' në Podujevë.
PODUJEVË — Ditëlindja e heroit të kombit, Hakif Zejnullahu, më 22 qershor do të shënohet me koncertin përkujtimor 'Nisma e Lirisë'. Ky aktivitet i veçantë synon të nderojë jetën dhe veprën e Zejnullahut, i cili vlerësohet si një prej figurave të shquara të luftës për lirinë e Kosovës.
Ngjarja e organizuar në nderim të heroit do të mbahet në Kompleksin Memorial 'Baza e Parë e UÇK-së' në fshatin Lladoc të Podujevës, duke filluar nga ora 20:00. Organizatorët e këtij koncerti përkujtimor u kanë bërë thirrje të gjithë qytetarëve që të marrin pjesë në këtë aktivitet.
Në këtë mbrëmje do të performojnë disa nga emrat më të njohur të muzikës shqiptare, duke përfshirë Sabri Fejzullahun, Shyhrete Behlulin, Ermal Fejzullahun, Naser Maqedoncin, Dafina Aliun, Gentian Gojanin, Lind Mehmetin, Behxhet Zekën, Mirelën dhe Shoqërinë Kulturore-Artistike 'Zahir Pajaziti'.
Burim: IndeksOnline
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.