Prishtina shtrenjton biletat fizike të autobusit në 80 centë
Sa do të kushtojnë biletat javore dhe mujore sipas vendimit të ri?
PRISHTINË — Nga 1 korriku, Trafiku Urban shtrenjton biletën fizike në 80 cent në kryeqytet, duke shënuar një rritje nga çmimi i deritashëm prej 50 centësh. Sipas njoftimit zyrtar të Komunës së Prishtinës, ky ndryshim tarifor do të prekë të gjitha kategoritë e udhëtarëve që shfrytëzojnë transportin publik lokal.
Ndryshimet e reja favorizojnë biletat digjitale të blera përmes SMS-së apo kuletës digjitale të operatorëve telefonikë. Kështu, bileta ditore që kushtonte 80 centë do të bëhet 1.20 euro nëse paguhet në dorë, por vetëm 1.00 euro digjitalisht. Për linjën e Aeroportit, çmimi fizikisht është caktuar 6.00 euro, ndërsa digjitalisht do të jetë 5.00 euro.
Ndryshime të ngjashme ka edhe në tarifat e tjera periodike të udhëtimit. Bileta javore do të kushtojë 6.00 euro fizike dhe 5.00 euro digjitale, ndërsa ajo mujore do të shkojë në 18.00 euro fizikisht krahasuar me 14.50 euro përmes pagesave digjitale. Ky hap synon të ulë përdorimin e parasë së gatshme dhe të modernizojë transportin publik.
Burim: Sinjali
— Redaksia ZHURMA