Cilat institucione po kryejnë bastisje në disa lokacione?
Një aksion i gjerë po zhvillohet në disa lokacione nga Prokuroria Speciale, ATK, Policia dhe Dogana nën dyshimet për shmangie tatimore e shpëlarje parash.
PRISHTINË — Një aksion i madh i krimeve ekonomike është duke u zhvilluar që nga orët e hershme të mëngjesit të sotëm në disa lokalitete të ndryshme. Operacioni i gjerë po zhvillohet në koordinim të plotë midis Prokurorisë Speciale dhe Policisë së Kosovës.
Përveç tyre, në këtë aksion janë angazhuar edhe Njësia e Hetimeve Tatimore të ATK-së dhe Njësia e Hetimeve e Doganës së Kosovës. Këto katër institucione janë koordinuar për të kryer bastisje të njëkohshme në disa lokacione të ndryshme, ku po grumbullohen prova.
Sipas burimeve të IndeksOnline, hetimi ndërlidhet me dyshime për shmangie të tatimit, përdorim të kompanive fiktive dhe shpëlarje parash. Bastisjet po vazhdojnë ende në terren dhe media ka paralajmëruar se do të mbajë të informuar opinionin publik për rrjedhën e ngjarjes.
Burim: IndeksOnline
— Redaksia ZHURMA