Shtesat prej 100 eurosh për sektorin privat ekzekutohen të hënën
Si do të procedohet me pagesat për studentët dhe pse po vonohet verifikimi i tyre?
PRISHTINË — Ekzekutimi i pagesave prej 100 eurosh për punëtorët e sektorit privat pritet të bëhet të hënën e javës së ardhshme. Këtë e ka bërë të ditur Hekuran Murati përmes një postimi në rrjetin social Facebook, duke konfirmuar përfundimin e shpejtë të procesit të verifikimit.
Komisionet vlerësuese kanë nisur punën që nga fillimi i kësaj jave për shqyrtimin e aplikimeve për dy masat e mbetura të Pakos për Përballje me Inflacion 2.0. Përderisa procesi për sektorin privat po mbyllet, puna për studentët varet nga konfirmimet e institucioneve të arsimit të lartë.
Sipas Muratit, sapo të sigurohen këto konfirmime për studentët aplikues dhe listat të jenë të gatshme për ekzekutim, do të bëhet edhe njoftimi me kohë i tyre.
Burim: Gazeta Express
— Redaksia ZHURMA