Ferran Torres dhe Sara Sampaio dyshohen për lidhje dashurie
Pamjet nga Parisi dhe prania e modeles në stadium kanë nxitur aludimet për romancën mes tyre.
Redaksia ZHURMA · · 1 min lexim
Thashethemet për një lidhje të mundshme mes sulmuesit Ferran Torres dhe modeles Sara Sampaio kanë qarkulluar prej disa javësh. Dyshimet u shtuan pas publikimit të një videoje nga gazetari spanjoll Javi Hoyos, ku ata shihen duke u larguar nga një restorant në kryeqytetin francez.
Modelja 35-vjeçare ishte e pranishme javën e kaluar në stadiumin “Parc des Princes” për ndeshjen e Ligës e Kampionëve mes Paris Saint-Germain dhe Barcelonës. Vëmendje tërhoqi edhe një foto e fshirë në Instagram, ku ajo shfaqej duke u puthur në hundë nga një burrë misterioz. Asnjëri prej tyre nuk ka reaguar publikisht ndaj këtyre zërave, ndërsa Sampaio njihet si modele e Victoria’s Secret dhe Torres ka lozur për Manchester City e Barcelona.
