Shkullaku: Paradite policët punojnë për Ramën dhe pasdite për krimin

Situata e krijuar në vend tregon një përshkallëzim të dukshëm, sidomos për shkak të dhunës ndaj protestuesve dhe arrestimeve që vazhdojnë edhe pas mbylljes së përplasjeve në rrugë. Gjatë një paraqitjeje në emisionin «Çim Peka LIVE» në SYRI TV, gazetari Armand Shkullaku u shpreh se veprimet e forcave të rendit pas përfundimit të përballjeve përbëjnë një represion të rëndë ndaj qytetarëve.

Shkullaku solli në vëmendje raste të personave që janë shoqëruar nga lokalet apo janë goditur në ambiente publike, duke përfshirë pamje të individëve të dhunuar edhe pasi kishin rënë në tokë. Sipas tij, opozita duhet të identifikojë personat që kanë ushtruar dhunë ndaj protestuesve, ndërsa theksoi se strukturat policore nuk janë në shërbim të qytetarëve, por ndajnë angazhimet e tyre mes pushtetit dhe grupeve kriminale.