Procedurat në vazhdim, ende s'dihet data e kthimit të Rinesancës në Kosovë
Familja njofton se procedurat për riatdhesimin e Rinesa Qeriqit janë në vazhdim, ndërsa detajet për varrimin në Prishtinë do të jepen më vonë.
Redaksia ZHURMA · · 1 min lexim
Rinesa Qeriqi, e njohur nga publiku si Rinesancë, e cila ndërroi jetë pak ditë më parë pas një beteje me tumorin, pritet të kthehet në Kosovë, ndërsa procedurat për riatdhesimin e saj janë ende në vazhdim. Njoftimi është bërë i ditur në rrjetin social Facebook nga motra e së ndjerës, e cila ka ndarë informacionet e fundit me familjarët, të afërmit dhe miqtë.
Familja Qeriqi ka shprehur mirënjohjen e thellë për të gjithë ata që morën pjesë në homazhet e organizuara në Waterloo dhe që kanë ofruar mbështetje e solidaritet në këtë periudhë të dhimbshme. Sipas njoftimit zyrtar të familjarëve, për shkak se procedurat e riatdhesimit nuk kanë përfunduar ende, nuk mund të konfirmohet një datë e saktë për mbërritjen e trupit në vendlindje.
Sapo të ketë informacione të konfirmuara rreth këtij procesi, familja ka bërë të ditur se do të njoftojë me kohë për detajet e reja, përfshirë ceremoninë e varrimit dhe homazhet që pritet të mbahen në Prishtinë.
