Bie numri i pacientëve në Gostivar — 197 raste të reja për 24 orë
Numri i pacientëve që kërkojnë ndihmë shëndetësore në Gostivar është duke rënë, por megjithatë është shifër e lartë
Redaksia ZHURMA · · Përditësuar · 1 min lexim
GOSTIVAR — Numri i pacientëve që kërkojnë ndihmë shëndetësore në Gostivar është duke rënë, por megjithatë është shifër e lartë. Sipas njoftimit të Ministrisë së Shëndetësisë, për 24 orët e fundit , janë evidentuar gjithësej 197 pacientë të ri, gjegjësisht persona që për herë të parë kërkojnë ndihmë shëndetësore.
Por, siç shtojnë ata ky numër është më i ulët se një ditë më parë. “Në Spitalin e Përgjithshëm ‘Dr Ferid Murad’ janë regjistruar gjithësej 117 kontrolle të reja, prej të cilëve 82 në repartin e infektologjisë, 40 në repartin e pediatrisë dhe 7 në Qendrën Urgjente”, njoftuan nga Ministria.
Në Shtëpinë e Shëndetit janë regjistruar 80 kontrolle të reja në shërbimin kujdestar dhe 13 thirrje në Ndihmën Mjekësore Urgjente”, kanë bërë të ditur më tej nga Shëndetësia.
Burim: Almakos
— Redaksia ZHURMA
