Çfarë ndëshkimesh të reja shton 'Safe City' në RMV?
Ministri i Brendshëm Pançe Toshkovski njofton zgjerimin e funksioneve të sistemit të mbikëqyrjes.
SHKUP — Sistemi “Safe City” në Republikën e Maqedonisë së Veriut do të zgjerohet me funksionalitete të reja, njoftoi ministri i Punëve të Brendshme, Pançe Toshkovski. Sipas tij, qëllimi kryesor është përmirësimi i sigurisë në komunikacion dhe kontroll më efikas i shkelësve.
Toshkovski tha se sistemi tashmë identifikon jo vetëm shpejtësinë e madhe, por edhe ndryshimin e gabuar të korsisë, kthimin e gabuar dhe kalimin në semafor të kuq. “Nuk është vetëm shpejtësia”, theksoi ai.
Një nga fazat e para të zgjerimit, sipas ministrit, do të jetë vendosja e ndëshkimeve për parkim të gabuar. “Në pjesën e parkimit të gabuar, kjo do të jetë një nga fazat e para që do të zbatohet”, deklaroi Toshkovski.
Burim: Telegrafi, https://telegrafi.com/zgjerohet-funksioni-i-safe-city-ne-rmv-sistemi-do-te-ndeshkoje-edhe-parkimin-e-gabuar/
— Redaksia ZHURMA