Si kundërshton Rizvanolli veten mbi shifrat e importit të rrymës?
Ministrja e Ekonomisë i quajti dezinformim raportimet, por vetë konfirmoi se shifra reale e importit është 30–40% nën atë të Doganës.
PRISHTINË — Ministrja e Ekonomisë, Artane Rizvanolli, reagoi ndaj raportimeve mediatike për importin e energjisë elektrike, sidomos nga Serbia, duke i cilësuar "dezinformata dhe manipulime." Deklaratën e bëri në ATV, ku mohoi pretendimet se Kosova ka zgjedhur importin e rrymës nga rajoni mbi LNG-un amerikan ose prodhimin vendor.
Por, ndërkohë që mohonte raportimin, ministrja vetë tregoi shifrat e importit. Rizvanolli tha se shifrat e Doganës janë të pasakta sepse "përfshijnë edhe energjinë që kalon tranzit nëpër Kosovë" — dhe se "shifra reale është diku 30 ose 40% më e ulët" se ato të botuara.
Qëndrimi i dyfishtë del i qartë: Rizvanolli e quan dezinformim raportimin mediatik, por vetë konfirmon se importi ekziston — çështja mbetet vetëm nëse shifra duhet lexuar nga Dogana apo nga Ministria e Ekonomisë.
Burim: Vox Kosova
— Redaksia ZHURMA