E mërkurë me stuhi deri 90 km/h dhe rrezik vërshimesh
Cilat zona të Kosovës rrezikohen nga breshëri, rrufetë dhe erërat e fuqishme të mërkurën?
PRISHTINË — E mërkura sjell diell dhe vranësira, por me zhvillime të fuqishme konvektive që pritet të gjenerojnë lokalisht rrebeshe shiu, breshër dhe shkarkesa rrufesh — disa prej tyre të ashpra. Në momente të caktuara këto zhvillime mund të marrin karakter shtrëngatash, me rrezik vërshimesh të shpejta.
Era do të fryjë nga drejtime të ndryshme, por në zonat me aktivitet konvektiv pritet në formë stuhie, me shpejtësi maksimale deri në 90 km/h. Mund të ketë thyerje degësh të mëdha, rrëzim pemësh të dobëta dhe dëmtime në çati, sera e objekte të palidhura.
Ngasja e automjeteve parashikohet të bëhet më e rrezikshme gjatë episodeve të tilla. Temperaturat minimale lëvizin nga 17 deri në 20°C, ndërsa ato maksimale nga 28 deri në 32°C.
Burim: Gazeta Metro, https://gazetametro.net/e-merkure-me-mot-te-ndryshueshem-2/
— Redaksia ZHURMA