Rastet e reja me simptoma të enterokolitit vazhdojnë të regjistrohen në Gostivar

GOSTIVAR — Edhe pse duket se gjendja në Gostivar është stabilizuar, rastet e reja me simptoma të enterokolitit vazhdojnë të regjistrohen. Sipas Ministrisë së Shëndetësisë, gjatë 24 orëve të fundit është shënuar një rritje e lehtë, 127, e numrit të qytetarëve që kanë kërkuar ndihmë mjekësore, megjithëse shifrat mbeten më të ulëta krahasuar me periudhën kur epidemia arriti kulmin.

Institucionet vazhdojnë të monitorojnë situatën dhe u bëjnë thirrje qytetarëve të respektojnë rekomandimet dhe të kërkojnë ndihmë mjekësore në rast të shfaqjes së simptomave. Përndryshe sot u njoftua se uji mund të përdoret për nevoja teknike , por jo edhe për pije.

Ndryshe, në Gostivar u shpall epidemi të problemeve gastrointestinale, pas paraqitjes së numrit të lartë të i qytetarëve me simptoma si diarre, të vjella dhe dehidratim. Kujtojmë se me propozim të Prokurorisë, Gjykata Penale në Gostivar shqiptoi 30 ditë paraburgim për tre të dyshuarve për ndotjen e ujit në sistemin e ujësjellësit në Gostivar.

Gjykatësja Dragoslada Veselinova tha se duke pasur parasysh dënimin e paraparë me ligj që iu ngarkohet të dyshuarve sanksionohet me të paktën 4 vjet burg, ndërsa, shtoi ajo nëse lihen të mbrohen në liri, ekziston rreziku që ata të arratisen ose të ndikojnë te dëshmitarët.

Inspektorët e Agjencisë për Ushqim dhe Veterinari, së bashku me policinë dhe përfaqësues të Ministrisë së Mjedisit, konstatuan se në tubacionin kryesor ishte vendosur në mënyrë të paligjshme një pompë që fuste drejtpërdrejt ujë nga lumi Vardar. Kontrolli u krye pas njoftimit të prokurorit publik për shkak të dyshimeve se uji ishte ndotur, pas ankesave të qytetarëve.

Më pas, uji u ndalua për pirje. Prokuroria Publike më 20 korrik shpalli rezultatet e analizave, të cilat treguan se në ujë kishte pasur 48 herë më shumë baktere se vlerat e lejuara.

Burim: Porterb

— Redaksia ZHURMA