Pse Rama rrit garancinë sovrane në 50 milionë euro për bizneset e vogla?
Qeveria propozon garanci shtetërore dhe kredi me kushte të favorshme për sipërmarrësit me mungesë financimi, si dhe dyfishon financimin për startup-et e të rinjve.
TIRANË — Kryeministri Edi Rama deklaroi se rritja e ekonomisë i ka dhënë mundësi qeverisë të zgjerojë mbështetjen financiare për bizneset e vogla, transportin publik dhe të rinjtë që merren me startup-e.
Sipas Ramës, garancia sovrane do të rritet në 50 milionë euro. Bizneset e vogla që kanë mungesë financimi do të mbështeten me garanci shtetërore dhe kredi me kushte më të favorshme se ato komerciale në banka, me qëllim që sipërmarrësi të mos mbetet vetëm në mungesë të bazës financiare.
Përveç ekonomisë, Rama njoftoi dyfishimin e financimit për startup-et e të rinjve dhe vendosjen në dispozicion të bashkive të autobusëve elektrikë. Kjo masë synon forcimin e transportit publik, i cili sipas kryeministrit ka mbetur prapa në një kohë kur numri i turistëve është rritur.
Burim: Gazeta Tema
— Redaksia ZHURMA