Pse 'dorëhiqet' ministrja virtuale e IA-së në një video satirike?
Çfarë mesazh dërgon videoja që ironizon luftën kundër korrupsionit dhe modernizimin e administratës?
TIRANË — Një video satirike që qarkullon në rrjetet sociale paraqet 'dorëheqjen' e Diellës, ministres virtuale të Inteligjencës Artificiale të qeverisë shqiptare, duke ironizuar nismat për modernizimin e administratës dhe luftën kundër korrupsionit.
Videoja fillon me pyetjen: 'Çfarë ndodh kur ministrja e parë e Inteligjencës Artificiale kupton se, pa dashje, ka funksionuar me Windows 95?' dhe vazhdon me një monolog ku Diella deklaron se 'dështoi me sukses', duke pretenduar se u krijua për të ndërtuar 'iluzionin e luftës kundër korrupsionit, transparencës dhe modernizimit të qeverisjes'.
Pjesë e satirës është edhe pretendimi se emërimi i saj ishte një 'paradoks', pasi një sistem i krijuar dhe i kontrolluar nga vetë qeveria nuk mund të mbikëqyrë korrupsionin brenda saj. Në fund, 'ministrja' shpall se 'bashkohet me Revolucionin Flamingo'. Burim: Report Tv
— Redaksia ZHURMA
