Pse Aleanca për Shqiptarët kërkon mbylljen e plotë të lojërave të fatit?
Opozita shqiptare në Maqedoninë e Veriut kundërshton propozimin e koalicionit VLEN për distancën prej 500 metrash të kazinove nga shkollat.
SHKUP — Aleanca për Shqiptarët (ASH) ka deklaruar kundërshtimin e saj të prerë ndaj projektligjit të ri për lojërat e fatit në Maqedoninë e Veriut. Partia vlerëson se ky projektligj, në vend që të ofrojë mbrojtje, i lejon bixhozit të ushtrojë ndikim shkatërrues mbi familjet dhe të rinjtë.
Sipas ASH-së, masa e propozuar nga eksponentët e koalicionit VLEN, e cila parashikon një distancë prej 500 metrash midis kazinove dhe shkollave, nuk mjafton dhe përbën vetëm një fasadë. Partia kërkon mbylljen e plotë të kësaj veprimtarie në të gjithë vendin.
Partia u ka bërë thirrje deputetëve të Kuvendit që të dëgjojnë zërin e familjeve të prekura dhe të miratojnë masa të guximshme për mbrojtjen e tyre, në vend të zgjidhjeve gjysmake që dëmtojnë sistemet shëndetësore dhe sociale.
Burim: Telegrafi
— Redaksia ZHURMA