Pse Prokuroria Publike në Maqedoni ngre alarmin për pagat?
Institucioni akuzues paralajmëron se zvogëlimi i koeficientit i propozuar nga Qeveria cenon sundimin e ligjit dhe krijon dallime të mëdha me rrogat e gjykatësve.
SHKUP — Prokuroria Publike ka shprehur zhgënjimin e saj ndaj Gjykatës Kushtetuese, pasi kjo e fundit nuk po vlerëson kushtetutshmërinë e ligjeve për rrogat e prokurorëve publikë dhe të anëtarëve të Këshillit të Prokurorëve Publik.
Sipas organit të akuzës, dispozitat e propozuara nga Qeveria për zvogëlimin e koeficientit krijojnë një dallim të madh mes rrogave të gjykatësve dhe prokurorëve. Ky proces, sipas reagimit, nuk cenon vetëm shtetin e të drejtës, por rrezikon të bllokojë funksionimin e vetë Prokurorisë Publike në një kohë kur besimi i qytetarëve në sistemin gjyqësor mbetet një sfidë.
Institucioni thekson se propozimi bie ndesh me praktikat e Bashkimit Evropian dhe do të rezultojë në paga më të vogla dhe jo të standardizuara krahasuar me kolegët nga vendet e rajonit. Prokuroria i bën thirrje Gjykatës Kushtetuese që të veprojë në kohë për të zbatuar Kushtetutën dhe ligjin.
Burim: Alsat-M
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.