Prizren: Vdes në rrugë 70-vjeçari, dyshohet për vdekje natyrore
Një 70-vjeçar është gjetur pa shenja jete në rrugën “Shefqet Berisha” në Prizren, ndërsa policia dyshon për vdekje natyrore.
Redaksia ZHURMA · · Përditësuar · 1 min lexim
PRIZREN — Një person i gjinisë mashkullore rreth moshës 70-vjeçare është gjetur pa shenja jete në rrugën “Shefqet Berisha” në Prizren. Rasti është raportuar mbrëmjen e të enjtes, rreth orës 20:00, pasi Policia ka pranuar informacion se një person ishte i shtrirë në tokë.
Zëdhënësi i Policisë për rajonin e Prizrenit, Shaqir Bytyqi, ka deklaruar se në vendin e ngjarjes kanë dalë njësitet policore dhe ekipet e Urgjencës, të cilat kanë konstatuar vdekjen e personit. Sipas tij, bazuar në pamjen e jashtme, dyshohet se bëhet fjalë për një person rreth moshës 70-vjeçare, ndërsa besohet se vdekja është natyrore. Identiteti i personit dhe shkaku i vdekjes ende nuk janë konfirmuar zyrtarisht.
Policia dhe Prokuroria e Shtetit janë duke ndërmarrë veprimet e nevojshme hetimore për të sqaruar rrethanat e rastit.
Lexo edhe
Më shumë →
Zhduket një grua në Prizren
· 1 min
