Zulfaj kërkon në Bruksel hapa për anëtarësimin e Kosovës në BE
Kryenegociatori Jeton Zulfaj kërkoi mbështetje nga komisionerja Marta Kos për pyetësorin dhe statusin e kandidatit.
Redaksia ZHURMA · · 1 min lexim
Kryenegociatori i Kosovës me Bashkimin Evropian zhvilloi një takim në Bruksel me komisioneren evropiane për Zgjerim, ku u diskutua avancimi i vendit drejt integrimit evropian. Gjatë bisedimeve, u trajtuan hapat për anëtarësim pas aplikimit të dorëzuar në fund të vitit 2022, ndërsa u kërkua angazhim më aktiv për dorëzimin e pyetësorit, marrjen e statusit të kandidatit dhe nisjen e negociatave.
Gjatë takimit u prezantua progresi në sundimin e ligjit, institucionet demokratike dhe harmonizimi me politikën e jashtme e të sigurisë. Po ashtu, u diskutua për Planin e Rritjes dhe integrimin në skemat SEPA dhe roming, ndërsa u prekën edhe zhvillimet lidhur me Dhomat e Specializuara dhe vendimet përkatëse.
